ما تزعلش
أيوة انت ما تزعلش
بالعكس ﻻزم تتبسط وتفرح
عندي قناعة مكهربة خﻻيا دماغي العصبية
إنك لما تسأني عن رأيي وأجاملك،
وأكدلك انك ممتاز ورائع وفيك شبه من “نيل آر مسترونج”
يبقى بمنعك عن إنك تشوف أي رأي تاني، وعن أي تغيير
وانك تفضل متمسك بكل ما انت عليه ﻻنك كده كويس
وبرضو عندي قناعة بتقول انك صح،
انت صح لمجرد ان الرأي رأيك، انت صح ﻻنك مقتنع بيه
ولما تحب تقتنع بغيره هتبقى صح برضو، صح ﻻنه رأيك انت
من الأفضل دايما انك تاخد قرارك بنفسك،
وحتي لو في يوم مارضتش تقرر، عدم قرارك فى حد ذاته قرار
وعدم اختيارك ده اصﻻ اختيار، ما دام فى كل اﻻحوال قرار يبقى اختار
ولما تختار، اختار اللي انت عايزه، اللي انت بتحبه
ولما تيجي تسالني، واقولك رأي تاني
طبيعي جدا، ﻻني شخص تاني،
مختلف عنك فى كل حاجه،
المهم بالنسبالك وارد يبقى عندي تافه
عشان كده ما تزعلش
أيوة انت ما تزعلش
بالعكس ﻻزم تتبسط وتفرح
عشان بدل الفكرة، بقى عندك اتنين
وانت اللي بتختار وتقرر هتعيش ازاي
بس انا عندي مسئولية، إنك تشوف اللي انا شايفة
وانت اللي هتقرر، هتكمل، وﻻ هتغير، وﻻ هتحسن
صباحك جميل
